Imam Ali A.S 8 (Shaheed E Kufa)

صلح کے بعد معاملات بالکل ٹھیک ہوگئے تھے خلیفہ عثمان رضہ نے مصری اور دیگر بلوائیوں کے جو جو شکوے تھے انکو حل کردیا اور آئیندہ کیلئے انکے ساتھ انصاف کی یقین دہانی کروائی ، سب نے خلیفہ پر اعتبار کیا مگر عمر بن العاص جن کو خلیفہء عثمان نے مصر کی گورنری سے برطرف کردیا تھا نے مشہور کردیا کہ عراق سے لشکر آرہا ہے تاکہ بلوائیوں کو سبق سکھایا جا سکے مگر سمجھدار مومنین خلیفہ کی ایمانداری میں کسی قسم کا شک نہ کررہے تھے

اور وہ خیال کرتے تھے کہ لشکر جس مرضی غرض سے ائے مگر ہمیں خلیفہ نے وعدہ دیا ہے کہ آئیندہ انکو شکائت کا موقع نہیں دیا جائے گا
مصری جو کہ واپس اپنے ملک کو چل دئے تھے انہوں نے راستے میں ایک قاصد پکڑا جو کہ مصر کو جارہا تھا اس کے پاس ایک خط تھا جو کہ خلیفہ وقت کی طرف سے حاکم مصرکو تھا جس میں تحریر تھا کہ جیسے ہی یہ مصری واپس پہنچیں انکی گردن اڑا دی جائے
مصری بپھرے ہوئے واپس مدینہ پہنچے اور عثمان رضہ کو مجبور کرنے لگے کہ وہ خلافت سے دستبردار ہو جائیں
   مگر انکو مخبر صادق صلعم نے خبر دی تھی کہ اللہ تمکو ایک قمیض پہنائے گا لوگ اتارنے کا تقاضا کریں گے مگر اے عثمان تم وہ قمیض نہ اتارنا اور صبر کرنا
یہ سازشیں کرنے والے اپنے ہی لوگ تھے اور ان سازشوں کے نتیجے میں بھڑکنے والے شعلوں کو بےگانے ہوا دے رہے تھے
حضرت علی رضہ کو جب پتہ چلا کہ حضرت عثمان کی جان کو خطرہ ہے انہوں نے اپنے بیٹوں جوانان جنت اور بنو ہاشم کے جوانوں کو خلیفہ عثمان کی حفاظت کیلئے انکے گھر پر متعین کردیا
 

Read More

Imam Ali A.S 9 (Shaheed E Kufa)

مگر اللہ کو منظور ہوچکا تھا کہ خلیفہء عثمان رضہ کو واپس اپنے پا بلالے
بلوائیوں نے کئی ہفتے تک قصر خلافت کا محاصرہ کئے رکھا دراصل بلوائی بھی صرف دباب سے کام لینا چاہتے تھے کہ حضرت عثمان کسی طرح خلافت سے دستبردار ہو جائیں اسی طرح مدینہ والے بھی ان کے خلاف تلوار نہیں اٹھا رہے تھے مگر خطرے کو محسوس کرکے حضرت علی رضہ نے قصر خلافت کے داخلی راستوں پر اپنے بیٹوں حسن و حسین رضہ اور بہت سے بنی ہاشم کے جوانوں کو خلیفہ عثمان کی حفاظت کیلئے کھڑا کردیا ، بلوائیں نے قصر خلافت کا پانی بند کردیا حضرت علی رضہ کو جب اس کی اطلاع ملی تو ضخود خلیفہ کیلئے پانی و کھانا لے کر گئے مگر مفسدوں اور شرارتی لوگوں نے اکابر صحابہ و بزرگوں کے سمجھانے کے باوجود خلیفہ کو قتل کریا
انہوں نے قصر خلافت کے پہلو میں واقعہ بنی حزم جو کہ انصار کا ایک خاندان تھا کا مکان استعمال کیا اور اس وقت خلیفہ کو قتل کردیا جب وہ تلاوت قرآن فرمارہے تھےسات دن تک منصب خلافت خالی رہا اور بہت سی دشواریوں کے بعد حضرت علی رضہ کو خلیفہ چن لیا گیا
حضرت علی رضہ خلیفہ بننا نہیں چاہتے تھے وہ فرماتے تھے کہ امیر بننے سے مشیر بننا زیادہ آسان ہے
اس دوران مروان مدینہ سے مکہ فرار کرگیا، حضرت عائشہ ام المؤمنین رضہ پہلے ہی عمرہ کی غرض سے مکہ میں تھیں
حضرت علی نے سب سے پہلے معاویہ بن ابی سفیان کو گورنر سے معزول کیا بہت لوگوں نے مصلحت سے کام لینے کا مشورہ کیا مگر حضرت علی ایک لمحے کیلئے بھی معاویہ کی گورنری پر راضی نہ ہوئے

Read More

Imam Ali A.S 10 (Shaheed E Kufa)

دوسری طرف حضرت عثمان رضہ کی خون آلود قمیض اور انکی زوجہ نائلہ کی کٹی ہوئی انگلیاں دمشق پہنچا دی گئیں
معاویہ نے خون عثمان کو بہانہ بنایا اور دمشق کی جامع مسجد میں عثمان رضہ کی قمیض اور انکی زوجہ کی کٹی ہوئی انگلیاں لوگوں کو دکھا دکھا کے خوب گریہ و آہ زاری کی تاکہ لوگوں کو باور ہوجائے کہ معاویہ کو خلیفہ عثمان کے خون کا بڑا قلق ہے دمشق کے لوگ یہ سب دیکھ کر مشتعل ہوگئے
حضرت ابو بکر کے بیٹے محمد بن ابی بکر رضہ جو کہ حضرت علی متبنیٰ تھے پر بھی الزام آیا کہ وہ خلیفہ کے قل میں ملوث ہیں حضرت علی ان سے تفتیش کی تو انہوں نے اللہ کی قسم کھائی کے قتل کے ارادے سے گئے ضرور تھے مگر حضرت عثمان کی کسی بات پر وہ واپس ہولئے حضرت نائیلہ نے بھی گواہی دی کہ محمد بن ابی بکر شامل نہ تھے مگر دو اور قاتل تھے جن کو وہ بھی نہیں پہچانتےٴ
غرض یہ کہ طلحہ و زبیر اور معاویہ وغیر نے قصاص کا مطالبہ کردیا
مگر قصاص کن سے لیا جاتا مصری اور عراق والے سب کے سب ہی قاتل تھے اور مروان اور عمر بن العاص کی سازشوں کی وجہ سے نوبت یہاں تک پہنچی تھی

Read More

Imam Ali A.S 7 (Shaheed E Kufa)

مصری جو کہ خلیفہء عثمان کے خون کے درپئے تھے انہوں نے قصر خلافت کو گھیرے میں لے لیا اور انکا پانی بند کردیا
بہت سے صحابہ کرام رضہ مسلمانوں کی آپس کی جنگ سمجھ کر گوشہ نشین ہوگئے

عائشہ رضہ اور دیگر بہت سے صحابہ کرام مکہ مکرمہ کو عمرہ کیلئے تشریف لے گئے سب ہی مروان سے تنگ تھے جو خلیفہ کے مزاج میں اتنا رسوخ حاصل کرگیا تھا کہ خلیفہ اس پر اندھا اعتماد کرتے تھے مگر خلیفہء عثمان اس کی چالوں کو خوب سمجھ رہے تھے ، مصری چونکہ اس سے کم پر راضی نہ ہوتے تھے کہ مروان اپنے عہدے  سے دستربردار ہو جائیں
خلیفہ عثمان رضہ تنہا ہوچکے تھے ماسوائے مروان ان کے ساتھ تھا ایسے میں حضرت علی رضہ نے مصری اور دیگر بلوائیں اور خلیفہ کے مابین تنازع کو حل کروایا

Read More

Imam Ali A.S 6 (Shaheed E Kufa)

قرآن پاک ایک ایسا ضابطہء حیات ہے جو قیامت تک کیلئے امت محمدی صلعم کیلئے نجات کا ذریہع ہے اسی طرح سنت رسول اکرم صلعم بھی ہمارے ایک عملی نمونہ ہے جس پر ہم عمل پیرا ہوکر دائمی نجات کیلئے سعی کرسکتے ہیں اور جنت کے حقدار ٹھہر سکتے ہیں
ظالم لوگ قرآن پاک کو تو بدل نہ سکے اور نہ ہی اس جیسا کوئی اور لاسکے جس میں انکی مرضی کا اسلام ہو مگر انہوں نے سنت نبی صلعم کا انہدام بہت بڑے پیمانے پر کیا اورجعلی احادیث کو گھڑنا شروع کردیا یہ دور ایسا تھا جب مسلمانوں کو دوست نما دشمن اور بیرونی اقوام سے خطرہ درپیش تھا
حیرت بات ہے کہ ہم جب کوئی حدیث سنتے ہیں کہ فلاں نے فلاں سے کہا مگر ہم نے کبھی یہ غور نہیں کیا وہ کیا وجوہات تھیں جب یہ سب یا کوئی ایک حدیث بیان کی گئی کیوں کسی راوی نے حدیث بیان کی وہ کیا حالات تھے کہ اسے وہ حدیث بیان کرنا پڑی یا اس نے اپنے گردو پیش میں کیا خلاف معمول تبدیلیاں ہوتی دیکھیں کہ اسے حدیث کو بیان کرنا پڑا
سب سے بڑھ کر یہ کہ امام بخاری اور دیگر تمام محدث جو کہ احادیث کی تدوین و ترتیب کررہے تھے وہ کیوں یہ کام ایک کمرے، ایک شہر یا ایک ملک میں نہیں کررہے تھے
اور وہ انکی ترتیب و تدوین کا کام قریہ قریہ اور ملک ملک جاکرکیوں کررہے تھے

جب یہ حدیث بیان کی جاتی ہے کہ مسجد نبوی صہ کی چھت  بارش کی وجہ سے ٹپک پڑی اور ہم نے دیکھا کہ محمد صلعم کیچڑ میں سجدہ فرمارہے ہیں اور کیچڑ ان کی پیشانی پر بھی لگ گیا
سوچنے کی بات ہے کہ مسلمان اتنے مفلوک الحال تھے کہ مسجد کو پختہ اور مضبوط نہ بناسکتے تھے اور کیا وہ فارس و

روم کے فن تعمیر سے واقف نہ تھے کیا ان کے پاس مدینۃالنبی میں مہندس نہ تھے جو ایسی عمارت تعمیر کرسکتے اور اسکو پختہ و مضبوط بنا سکتے وہ کیوں کھجور کے تنوں کے سہارے قائم تھی کیوں اس کی چھت کھجور کی ٹہنیوں اور خشک پتوں کی تھی
بات صرف اتنی سی ہے کہ محمد صلعم نے اس دنیا میں فطرتیت کو ترقی دی ہر کام خالص اور فطرت کے پیمانے سے دیکھا جائے یہی انکی تعلیم تھی
یہی وجہ حدیث کے بیان کی ہے کہ کیچڑ میں سجدہ کیا اور کیچڑ انکی پیشانی پر تھا
اصحاب کرام اس بات کو سمجھتے تھے جو محمد صلعم نے سکھائیں تھیں اور جو ساری نسلوں تک پہنچانا چاہتے تھے مگر افسوس کہ جاہ پرست اور مادہ طلب حکمرانوں نے ان تعلیمات کو کیا سے کیا بنا دیا

Read More

Imam Ali A.S 5 (Shaheed E Kufa)

یہ بات طے شدہ ہے کہ معاویہ جس طرز کی ھکومت چلا رہے تھے وہ اسلامی نہ تھی اسلامی حکومت کا نقشہ دیکھنا ہو تو محمد صلعم کی زندگی اور ان کے ان اصحاب رضہ کی زندگی کا مطالعہ جنہوں نے اپنی زندگی کے کئی ماہ و سال محمد صلعم کی معیت میں گزارے اور اسلامی حکومت کی انتظامی اہلیت ابو بکر صدیق رضہ، عمر ابن خطاب رضہ میں بخوبی دیکھی جا سکتی ہیں عثمان رضہ کی خلافت کا زمانہ بھی پرآشوب تھا جب عمال حکومت کی بدعنوانیاں حد سے بڑھ چکی تھیں جن میں زیادہ تر وہ لوگ تھے جو اموی تھے
بیرونی طرف سے وہ ممالک جو اسلام کے آگے سرنگوں ہوچکے تھے ان کے معتصب لوگ اسلام کی دشمنی میں ایک پل بھی چین سے نہ بیٹھے خاص طور پر یہودی کہ انہیں اپنے علم پر بہت غرور ہے اور جب انہوں نے دیکھا کہ محمد صلعم کے خلفء نے بیت المقدس کو فتح کرلیا اور یہودیوں کو وہاں سے نکال باہر کردیا جو کہ میثاق محمدی صلعم کا ہی  ایک حصہ تھا یہودی جو کہ سالہا سال سے مکہ اور عرب کی سیاست و تجارت میں ایک خاص رسوخ رکھتے تھے وہ امیہ و ہاشم خاندان کی دشمنی سے بخوبی واقف تھے انہوں نے متزلزل قسم کے مسلمانوں پر غلبہ پالیا اور ان کے ذہنوں کو مسخر کرلیا
اور ان کو اسلام کی مخالفت کیلئے استعمال کیا جس سے انہوں نے دو رویہ فوائد حاصل کئے اسلامی ریسات کو کمزور کردیا اور اسلام کی روحانی عمارت یعنی خلافت کو بھی منہدم کردیا
 

Read More

Imam Ali A.S 4 (Shaheed E Kufa)

عبداللہ بن ابی سرح جو کہ کاتبین وحی میں سے تھا اس نے ایک دن الفاظ وحی میں ردو بدل کرکے اس کے مفہوم میں تبدیلی کردی جب یہ بات کھلی تو یہ بھاگ کر کہیں روپوش ہوگیا اور ارتداد کا اظہار کیا، فتح مکہ کے موقع پر محمد صلعم نے قبل از وقت فرمایا تھا کہ اگر وہ شخص کعبے کے غلاف سے لپٹ کر بھی کھڑا ہو تو اسے قتل کردینا مگر جب مکہ فتح ہوا تو ابی بن سرح غلاف کعبہ میں چھپا کھڑا تھا اور بالآخر حضرت عثمان رضہ کی پناہ دھونڈی اور محمد صلعم کے دربار میں حاضر کیا گیا محمد صلعم نے خاموشی اختیار کی بالآخر رحمۃالعالمین نے اسے معاف فرمادیا اور بعد میں صحابہ سے فرمایا کہ تم میری بات کو سمجھنے میں اس قدر توقف کیوں کرتے ہو میں حکم دیا تھا کہ اس قتل کردینا اور میں منتظر تھا کہ کوئی تم میں سے بڑھ کر اسے قتل کردے مگر عہد کفر کے جرائم معاف کردئے گئے، عمر بن العاص واپس مدینہ آگئے اور یہ مصر کو چلے گئے اور پہلے سال ہی خراج میں خاطر خواہ اضافہ ہوا تو حضرت عثمان رضہ نے عمر العاص کو مخاطب کرکے فرمایا دیکھا اونٹنی نے دودھ دیا ہے تو عمر نے جواب دیا مگر بچے بھوکے رہ گئے
اور اندر ہی اندر مصر سے شکایات آنے لگیں سازشیں جو انتہائی مکر و فریب سے خلیفہء عثمان کے خلاف کی جارہی تھیں جو کہ انکی شہادت پر بھی ختم نہ ہوئیں
محمد صلعم نے فرمایا تھا کہ ہر قوم کا کوئی نہ کوئی فتنہ ہوتا ہے اور میری قوم کا فتنہ مال بنوں ہے

حیرت کی بات ہے حضرت عمر رضہ کی وفات کے بعد اس قدر سازشیں عمل میں آئیں کہ سچ اور جھوٹ کی تفریق ممکن نظر نہیں آتی خطوط کی سازشیں جو نجانے کون لکھتا تھاگمان اغلب ہے کہ مروان ہی ایسے کام کررہا تھا حدیثوں کو اس قدر تراشا گیا کہ انکی حقانیت متاثر ہوگئی یہ اہل بصیرت ہیں کہ جن کو اللہ اپنے کرم خاص اور محمد صلعم کی خاص نظر التفات سے جھوٹ اور سچ کو الگ پہچان لیتے ہیں اللہ ہم کو بھی سچ اور جھوٹ میں تمیز کی توفیق عطا فرمائے
حیرت کی بات ہے کہ محمد صلعم کی زندگی میں اور بعد میں صدیق و عمر رضہ کیم زندگی میں اس قدر مال غنیمت مدینہ آیا مگر ان خلفاء نے مسجد کی تزئین و آرائش نہ کی اور کوئی اس حدیث کو دوبارہ سنے جس میں بیان کیا گیا ہے کہ ابر کا ٹکڑا آیا اور اتنا برسا کہ مدینہ میں پانی بھر گیا اور ہم نے مسجد نبوی میں محمد صلعم کے ساتھ کیچڑ میں نماز ادا کی، آخر اس حدیث کو بیان کرنے کا مقصد کیا تھا
یہی ہوسکتا ہے کہ مسجد جتنی سادہ ممکن ہو قائم کی جائے اللہ بے جاہ زیبائش کو پسند نہیں کرتا
اسی وجہ سے ام المومنین عائشہ رضہ نے حضرت عثمان سے فرمایا تھا
تم خود بھی بدل گئے اور محمد کی سنت کو بھی بدل دیا

ہمارے مفسرین اس عقدے کو آج تک حل نہیں کرسکے کہ ابو ذر غفاری رضہ مدینہ سے کیوں نکل گئے تھے وہ کیا اختلافات تھے جو ان کے اور بنو امیہ کے مروان کے درمیان آگئے تھے
یاد رہے کہ مروان اور ابو ذر غفاری رضہ میں زمین آسمان کا فرق ہے مروان اسی کا بیٹا ہے جس کو محمد صلعم نے مدینہ سے نکل جانے کا حکم دیا تھا اور اس پر ناراض ہوئے تھے
اسی مروان نے صحابہ کرام کے خلاف اقدامی کاروائیاں جاری رکھیں کیونکہ وہ جانتا تھا کہ صحابہ محمد صلعم کے تعلیم یافتہ ہیں آل امیہ کی بد اعتدالیوں کی پردہ پوشی نہیں کرینگے اسی ڈر اور خوف نے انہوں نے صحابہ کرام کے خلاف کاروائیاں تیز کردیں اور ہر ممکن طریقے سے انہوں نے صحابہ کرام کو حکمرانی سے دور کرنے کی کوشش کی
عظمت صحابہ کا الاپ کرنے والے لوگ پہلے تاریخ کا مطالعہ کریں اور بتائیں کہ صحابہ کرام کے ساتھ آل امیہ نے کیا کیا ظلم روا نہ رکھے
اور حیرت کی بات ہے کہ بڑی تیزی کے ساتھ اصحاب بدر و احد و احزاب حفاظ کرام اور عشرہ مبشرہ محمد صلعم کی وفات کے بعد بہت تھوڑےعرصے میں اس دنیا سے پردہ فرماگئے
  

Read More